انغمـة العشـق وجمـال الــروح ياهـمـس الـزهـور
يااجمـل ليالـي العمـر يـانـورٍ عـلـى ليـلـي سطـعـت
واللـي خلقنـي مـن أحاسيـس وجعـل فيـهـا شـعـور
إنـي أداعــب روحــك الـلـي مــن غـلاهـا ماشبـعـت
واللـي جعـل فـي وجهـك مـن الطيـب للغاليـن نـور
إنــك بـداخـل قلـبـي المشـتـاق والـــروح أنطـبـعـت
وإني هدمت السـور لأجـل رضـاك وأوفيـت النـذور
وإنـي مـن جــزال القصـايـد فـيـك يالغـالـي بـدعـت
وإنـي نثـرت الـورد فـي ذكـراك وإشعـلـت البـخـور
وغمضت بعيوني علـى طيفـك ومـن شوقـي دمعـت
وإنـي علـى وجـه القمـر قمـت آتخـيـل لــك ظـهـور
وآجمـع بقايـا الحـزن فـي قلبـي ليـا شفتـك طلـعـت
للشـوق فـي عينـي نبـا يغنيـك عـن كــل الحـضـور
وأهمس بحرف الحب وآصوغه وبأحساسك سمعت
تدري يانور العين لو يكشف لك اللـي فـي الصـدور
وتشوف مافي صـدري مـن الشـوق يكفيـك وقنعـت
حتى ولـو صـاب الغـلا فـي بعـض الأحيـان الفتـور
آجــدده مــن وآقــع أحسـاسـي بمثـلـك ماأستطـعـت
حبـك نهـر وانـا علـى الضفـه وأحـاول فـي العبـور
والشـوق مـركـب والـغـلا يجتاحـنـي حـتـى طبـعـت
والروح يحييهـا الوصـل والقلـب يبنـي لـك جسـور
والــود بــذره وأسقـهـا بالـصـدق مـادامـك زرعــت
آحـس فـي روحـك معـي وآحـس بأنفاسـك عـطـور
وآبـادلـك شـوقـاً عـلـى لقـيـاك وبـوصـلـك طـمـعـت
شغفـت قلبـي فـي هــوااك وراعــي الـحـب مـعـذور
لأني من خلاص الوفا فـي مجلـس اشواقـك قدعـت
لـو ماتـت الذكـرى علـى بـاب الأمــل زرت القـبـور
وإن عاشت الذكرى علـى بـاب اللقـى فينـي شفعـت